Dependencia d'a Corona britanica

As Dependencias d'a Corona son posesions d'a Corona britanica en Dreito d'o Reino Uniu, que se distinguen d'os territorios d'ultramar u as colonias d'o Reino Uniu. As Dependencias d'a Corona son as islas d'a Canal de Jèrri y Guernési, y Man en a mar d'Irlanda. Como churisdiccions administradas de traza independient, no fan parti ni d'o Reino Uniu ni d'a Unión Europea. As tres son miembros d'o Consello Britanicoirlandés. Dende 2005, cadaguna d'as Dependencias d'a Corona tien un menistro en chefe que en ye lo suyo chefe d'o gubierno. Manimenos, como posesions d'a Corona, no son estaus sobirans de dreito, y encara que a potestat lechislativa recaye en as suyas asambleas lechislativas propias, han de tener o consentimiento d'a Corona, y os residents tienen a nacionalidat britanica.